SEE Cinema Network ka hapur konkursin për zhvillim të projekteve filmike me metrazh të gjatë

SEE Cinema Network (The South Eastern Europe Cinema Network) ka hapur konkursin për mbeshtetje të zhvillimit të projekteve filmike me metrazh të gjatë.

Me poshte do gjeni linkun ku mund te njiheni me rregulloren dhe dokumentacionin perkates qe duhet te plotesoni:
http://nationalfilmcenter.gov.al/index.php/the-south-eastern-europe-cinema-network-see-cinema-network/

Afati i dorezimit te dokumentave prane QKK eshte data 20 Shtator 2019

Ju kujtojme se filmi duhet te jete bashkeprodhim me nje nga shtetet anetare. Nderkohe, dokumentacioni duhet te jete ne gjuhen angleze.

Dokumentacioni te dergohet brenda afatit te percaktuar ne info@nationalfilmcenter.gov.al

Per cdo informacion mund te n’a kontaktoni ne :
E-mail: info@nationalfilmcenter.gov.al
Tel: 04 2 2378-004

Ngrihet Këshilli i Miratimeve të Projekteve pranë Qendrës Kombëtare të Kinematografisë

Vendim Nr. 525, Datë 12.09.2019

“Për konfirmimin e përbërjes së Këshillit të Miratimit të Projekteve”

Në zbatim të nenit 8 dhe 13 të Ligjit nr. 8096, datë 21.03.1996, “Për kinematografinë”, i ndryshuar, Vendimit të Këshillit të Ministrave nr. 602, datë 21.08.2003, “Statuti i Qendrës Kombëtare Kinematografike”, si dhe Vendimit të shoqatave të kineastëve, nr. 485 Prot., datë 06.09.2019,

VENDOSA:

1. Konfirmimin e përbërjes së Këshillit të Miratimit të Projekteve që do të funksionojë pranë Qendrës Kombëtare të Kinematografisë.

2. Këshilli Miratues i Projekteve përbëhet nga:

  • Znj. Diana Çuli Sinoimeri
  • Z. Petrit Beci
  • Znj. Annick Mahnert
  • Znj. Elma Tataragic
  • Z. Mario Brenta

3. Anëtar rezervë i Këshillit të Miratimit të projekteve të jetë:

  • Z. Franz Muller

4. Mandati ligjor i Këshillit të Miratimit të Projekteve fillon në datën 12 Shtator 2019 dhe përfundon në datën 11 Shtator 2021.

5. Drejtoria e Projekteve të marrë masat për të bërë njoftimet përkatëse.

Ky vendim hyn në fuqi menjëherë.

KRYETARI
Edurt MAKRI

Vendimi i Kryetarit N. 525, datë 12.09.2019

Momente nga xhirimet e filmit artistik « The Stork »

Momente nga xhirimet e filmit artistik « THE STORK », skenar dhe regji Isa QOSJA, DoP: Gokhan TIRYAKI, një prodhimi i shtëpisë kinematografike ARTIKULACIJA FILM (Mali i Zi), në bashkëpunim me ABHO Film (Mali i Zi), Aba Film (Mali i Zi), One Draft LLC (Kosovë), Tunnel Film (Shqipëri), Pigmento Film (Maqedonia e Veriut).

Filmi është financuar nën kategorinë “Bashkëprodhime në minorancë” nga Qendra Kombëtare e Kinematografisë. Filmi është mbështetur edhe nga Eurimages.

Cast Arta Dobroshi, Arben Bajraktaraj, Flonja Kodheli, Shkumbin Istrefi


 

 

 

 

 

 

Njoftim për hapjen e thirrjes për përzgjedhjen e kandidaturës shqiptare në kategorinë e «Çmimi për Filmin Artistik Ndërkombëtar» në edicionin 92 të OSCAR

Qendra Kombëtare e Kinematografisë, informon shtëpitë kinematografike shqiptare që kanë interes për të paraqitur filmin artistik të tyre për t’u përzgjedhur si kandidatura e Shqipërisë në kategorinë “International Feature Film Award”, edicioni i 92-të, OSCAR.

Produksioni shqiptar që ka interes, duhet të paraqesë në QKK:
1. Kërkesë për pjesëmarrje në garën “Çmimi për Filmin Artistik Ndërkombëtar”, të edicionit të 92-të të OSCAR;
2. Deklaratë që filmi përmbush kriteret e konkurimit;
3. Link vimeo të filmit, të shoqëruar me password;
4. Materiale të tjera që vlerëson se ndihmojnë Komisionin Përzgjedhës për vendimmarrje sa më të drejtë.

Komisioni Seleksionues përbëhet nga:
1. Z. Albert MINGA
2. Z. Artur DAUTI
3. Z. Dritan HUQI
4. Z. Eduard MAZI
5. Z. Eduart MAKRI
6. Z. Saimir KUMBARO

Afati i fundit për dorëzimin e kërkesës dhe materialeve shoqëruese do të jetë data 12 Shtator 2019.

Specifikimet teknike të filmave sipas kritereve të AMPAS i gjeni këtu.
Lutemi lexojini me kujdes para se të vendosni.

http://cepublic.oscars.org/uploads/D24AECE69BABF119B6F52FF59AA34D30/resources/92_IFFA_Rules_FINAL.pdf

Njoftim për pozicion pune vakant

Qendra Kombëtare e Kinematografisë hap thirrjen për vend vakant për periudhën 3-vjeçare, Tetor 2019-Shtator 2022 :

Pozicioni: Specialist për Marrëdheniet me Jashtë dhe Shtypin

Kandidatet e interesuar duhet të plotesojnë këto kritere:
• Të zotërojë diplomë të nivelit master në fushën e kinematografisë, menaxhim arti, gjuhë të huaja, gazetari, shkenca sociale e komunikimi;
• Të ketë njohuri shumë të mira të gjuhës angleze;
• Të zoteroje edhe një gjuhë të dytë (avantazh përbejnë gjuhët frengjjisht, gjermanisht, italisht);
• Të ketë aftesi shumë të mira komunikuese;
• Njohuri mbi institucionet europiane (ndërkombetare) të filmit;
• Njohuri mbi database dhe platforma nderkombetare të filmit;
• Të ketë të paktën 3 (tre) vjet eksperience pune në pozicione të ngjashme në institucione kulturore. Përben avantazh eksperienca e punës në fushën e kinematografisë.

Dosja e aplikantit duhet të permbajë:
1. Kërkese për shprehje interesi për konkurim;
2. Jetëshkrimi;
3. Diploma e fakultetit;
4. Lista e notave;
5. Libreza e punes;
6. Dëshmi të gjuhëve të huaja që zotëron;
7. Referenca nga punedhenesi/të mëparshëm.

Aplikimi të dërgohet në zyrën e protokollit të Qendrës Kombëtare të Kinematografisë, në adresen Rruga «Aleksandër Moisiu», nr. 77, Tirane.

Afati i fundit për depozitimin e aplikimit do të jetë data 20.09.2019.

Vetëm kandidatët e seleksionuar për intervistë do të kontaktohen nga stafi i QKK-se për t’u paraqitur për intervistë.

Një tjetër humbje e madhe për artin dhe kulturën shqiptare!

Lajmi i një tjetër humbjeje të madhe ka shokuar komunitetin e artit dhe kulturës shqiptare. Fatos Baxhaku, 55 vjeç, historian, gazetar, publicist, studiues, skenarist e shumë të tjera është ndarë nga jeta.

QKK dhe stafi i shprehin ngushëllimet më të sinqerta familjes, të afërmëve dhe miqve të të ndjerit.

Humbja e tij është një dhimbje e madhe për familjen, dhe jo vetëm ata që kanë pasur fatin ta njohin personalisht, por natyrisht edhe për gjithë shqiptarët që e kanë njohur vetëm nëpërmjet fjalëve të tij hedhur në letër. Të pakta mbeten fjalët për atë që fjalët i kish kaq të bukura.

Do të mbetesh gjithmonë i qeshur në memorien tonë!
Qofsh në paqe FATOS BAXHAKU!


ATDHEU nga FATOS BAXHAKU

– Atdheu është vatra familjare, gardhi, era e mirë e shtëpisë, vendi ku e ndien veten të barabartë dhe të respektuar, bash atje ku të zë gjumi rehat. Do hash ndonjë të sharë, por të jesh i sigurt që e ke pasur hallall.

– Atdheu është gjuha, rrugicat, dialekti, ëndrrat, përrallat, hartimet, dashuritë e para dhe ato të munguara, librat e shkoqur erëmirë.

– Atdheu është dhimbja jote. Është pafuqia dhe fuqia jote. Është pikërisht ajo që ti do të doje të ishte më mirë.

– Atdheu është gjeni yt, mëkatet e tua, mëritë e tua, dashuritë e tua, tradhtitë e tua.

– Atdheu është edhe me ngjyra: Flamuri, Kuqezia, Pavarësia, heronjtë, bëmat… Por mos harro, kanë ardhur kohë të tjera, që kanë nevojë për punë dhe jo për legjenda.

– Atdheu është edhe stinë. Nganjëherë na lodh me zymtësinë, apo me shiun, dhe herë të tjera na ngazëllon me beharin e parakohshëm që vjen befas. Atdheu është ai, vetmitar, i paparashikueshëm.

– Atdheu nuk do brohoritës. Më të famshmit brohoritës nuk kanë pasur fat të mirë.

– Atdheu nuk i do ata që shkojnë nga salla e bilardos drejt e në stadiumin ku mëtojmë të jemi edhe ne. Atdheu na kërkon në radhë të parë punë dhe mend. Si i bëhet?

– Atdheu është ai vend i mrekullueshëm ku na kanë mësuar se më e mbara udhë është të shtojmë miqtë dhe jo armiqtë.

– Nga Atdheu dhe historia e tij e gjatë kemi mësuar se ai nuk do që të fshihemi pas tij. Kjo duhet të jetë e pandershme.

– Atdheu është zemërgjerë, ai na i fal edhe mëkatet tona, dhe të të tjerëve, vetëm e vetëm që njerëzia të jenë mirë.

– Atdheu hera-herës na kujton: Kujdes të korrat!

– Atdheu është ajo gjë që të mungon sa herë që thua me krenari “I am Albanian”.

– Atdheu hap punë, shpresë dhe jo sherre.

Sigurisht që edhe Atdheu ka një cak, ka një limit deri në të cilin mund të na falë mëkatet. Mjaft na ka duruar! Më e para nga të gjitha është se ne duhet të jemi më kokunjur në krenarinë tonë të pabazuar në themel.

Është bazike, nisur nga historia e kulturave njerëzore, që popujt që arrijnë të njohin veten e tyre, njësoj si njerëzit, e kanë jetën më të mbarë, përkundrazi, popujt, që merren me lapidarë, himne, simbole lloj-lloj dhe aspak me thelbin e gjësë, ahere atyre do t’u duhet një rrugë e gjatë drejt përparimit.

Sido që të jetë: Rroftë Atdheu ynë! Kjo për ne. Por rrofshin të gjithë për atdhetarët e tjerë!

Gjergj Xhuvani ndahet papritur nga jeta

Qendra Kombëtare e Kinematografisë ndan dhimbjen e thellë për largimin e papritur nga jeta të skenaristit dhe regjisorit Gjergj Xhuvani. Një humbje e madhe për familjen, komunitetin e artit kinematografik dhe publikut shqiptar, që nuk mund të zëvendësohet.

Një nga regjisorët më të suksesshëm të kinemasë shqiptare, Xhuvani u shqua që në veprat e tij të para kinematografike, duke realizuar deri në moshën 55-vjeçare, 4 filma të shkurter, 6 filma artistikë, dokumentarë, serialë televiziv. Mban autorësinë e 2 novelave dhe artikujve të tjerë. I pazëvendësueshëm do të jetë edhe kontributi i tij në shumë breza kineastësh, si pedagog në Universitetin e Arteve.

Xhuvani ndodhej në Romë për të mbyllur detajet e fundit të filmit të tij më të ri “Liqeni Im”.

Qendra Kombëtare e Kinematografisë i shpreh edhe njëherë ngushëllimet më të përzemërta familjes së Gjergj Xhuvanit.


Gjergj Xhuvani passes at the age of 55.

The Albanian National Center of Cinematography shares its deepest sorrow on the sudden passing of scriptwriter/director Gjergj Xhuvani.

An immense loss for the family, the community of cinematographic arts and the Albanian public, that cannot be replaced.

One of the most successful directors in Albania’s cinema, Xhuvani distinguished himself since his first films and realized in his 55 years of life, 4 shorts, 6 features, documentaries and TV series. He published 2 successful novels and various print articles. He will certainly leave a great impact and will be missed by the countless young filmmakers he taught at the Tirana University of Arts.
Xhuvani was in Rome to finalize the last details of his newest feature “My Lake”.

The Albanian National Center of Cinematography extends once more, its deepest condolences to Gjergj Xhuvani’s family.

Njoftim drejtuar Kineastëve & Shtëpive Kinematografike

Të nderuar,

I. Qendra Kombëtare e Kinematografisë njofton hapjen e sezonit të konkurimit për projekte kinematografike si më poshtë:

1. Film artistik me metrazh të shkurtër;
2. Film dokumentar;
3. Film i animuar;
4. Film artistik metrazh i gjatë Minority Coproduction;
5. Projekte të ndryshme kinematografike (festivale, javë filmi, workshop, seminare, trajnime, etj.).

II. Shtëpitë kinematografike, që do të paraqesin projekte në konkurim, duhet të kenë parasysh sa më poshtë:

1. Të jenë të rregjistruara në QKK për vitin kalendarik 2019.
2. Të vizitojnë faqen web të QKK, www.nationalfilmcenter.gov.al, për të marrë informacionet e nevojshme, si dhe rregullat e aplikimit, të përcaktuara në rregulloren e QKK.
3. Të paraqesin projektin në gjuhën shqipe dhe angleze.

III. Aplikimi do të bëhet në www.filmcoproduction.com.

IV. Afati i fundit për depozitimin e projekteve do të jetë data 31.08.2019.

Ju falënderojmë për bashkëpunimin.

Kryetari
Eduart MAKRI

«Streha mes Reve» rrëmben tri çmime në PriFest

Ul siparin edicioni i XI i PriFest.

Rrugëtimit nga premiera në Tallinn përmes Francës, SHBA-së, Iranit, Rumanisë, Maltës arrin një pikë kulmore në PriFest.

Jo vetëm çmimi si filmi më i mirë Ballkanik, por edhe dy çmimet për :
• aktorin më të mirë Arben Bajraktarin, dhe
• aktoren më të mirë Irena Cahani.

Ky film është një bashkëprodhim midis Shqipërisë dhe Rumanisë, dhe është mbështetur financiarisht nga Qendra Kombëtare e Kinematografisë e Shqipërisë.

Urime ekipit të filmit !

© Copyright 2019 PriFest

Premiera e filmit artistik «Fusha e mëllenjave»

Një tjetër premierë i vjen ekraneve shqipfolëse.

“Fusha e mëllenjave” me skenar dhe regji të Arzana Krajës, do të hapë zyrtarisht edicionin e 11-të të PriFest, sot, më 16 korrik, në Teatrin Kombëtar në Prishtinë.

Filmi “Fusha e mëllenjave” është prodhim i shtëpisë kinematografike Circle Production (Kosovë – Besnik Krapi) në bashkëpunim me Britaninë e Madhe dhe Action Production (Shqipëri-Gerta Qurku). Ky film është përkrahur nga Qendra Kinematografike e Kosovës dhe nga Qendra Kombëtare e Kinematografisë, Shqipëri.

Në rolet kryesore janë: Shkumbin Istrefi, Astrit Kabashi, Melihate Qena, Abdinaser Beka, Ilire Vinca, Art Lokaj, Çun Lajçi, Xhevat Qorraj, Adem Karaga, Irena Cahani, Xhevdet Doda, Shengyl Ismajli, Ilir Prapashica.

Syla, një ish-i burgosur politik, kthehet në Kosovë pas 25 vjetësh. Në përballje me të shkuarën ai do të kërkojë arsyen e vërtetë të dhimbjes së tij.