Merr detyrën Kryetari i ri i QKK, Z. Eduart Makri

Dje në prezencë të Sekretares së Përgjithshme dhe përfaqësuesve të Ministrisë së Kulturës, të kryetarit në largim Z. Ilir Butka dhe stafit të Qendrës Kombëtare të Kinematografisë, u prezantua dhe mori detyrën si Kryetari i ri i QKK-së, Z. Eduart Makri.

Duke falënderuar Z. Butka për punën dhe arritjet gjatë mandatit të tij, Z. Makri siguroi se do të shtyjë përpara sukseset e QKK dhe do të angazhohet në krijimin e iniciativave të reja në mbështetje të kineastëve shqiptarë.


Jetëshkrimi i z. Eduart Makri

Eduart Makri ka lindur në Gjirokastër më 5 Qershor 1957, ku studioi deri në përfundim të shkollës së mesme.

Në 1981 mbaron me sukses studimet për aktor në Institutin e Lartë të Arteve në Tiranë. Që gjatë viteve të studimit përzgjidhet për rol kryesor nga regjisori Dhimitër Anagnosti, në filmin “VËLLEZËR DHE SHOKË” (1979). Pas kësaj fiton role kryesore në “BESA E KUQE” dhe “NË KUFI TË DY LEGJENDAVE” me regjisor Piro Milkani, në filmin “NATË PA DRITË” të regjisorit Gëzim Erebara si dhe “NË EMËR TË LIRISË” të Regjizorit Fehmi Oshafi.

Pas studimeve punon si Asistent Regjisor i Parë (First AD) në Kinostudion “Shqipëria e Re”, me regjisorët më të suksesshëm: duke punuar në 12 filma gjatë 5 vjetëve.

Në gusht të 1993, emërohet Drejtor i Drejtorisë së Arteve në Ministrinë e Kulturës, Rinisë dhe Sporteve, nën Ministrin e asaj kohe Z. Dhimitër Anagnosti. Në këtë detyrë merr pjesë drejtpërdrejt në hartimin dhe miratimin e Ligjit “Mbi Kinematografinë” dhe qe anëtar i grupit të punës, që projektoi dhe miratoi ndërtimin dhe miratimin e “Ligjit mbi veprimtarinë televizive dhe audiovizuale”.

Largohet nga Ministria e Kulturës për të krijuar dhe punuar si Drejtor Ekzekutiv në fondacionin e parë të pavarur për kulturën dhe artet: Fondacioni “Fan Noli”, të kryesuar nga Kryetari z. Dhimitër Anagnosti. Gjatë kësaj kohe organizon edhe 2 spektakle të mëdha muziko-letrare në bashkëpunim me TVSH.

Në vitin 1999 largohet me familjen për pothuajse 20 vjet në Toronto, kohë gjatë të cilës nuk e ndërpret punën në fushën e filmit, si aktor, skenarist, regjisor dhe producent. Ai është anëtar i ACTRA (The Alliance of Canadian Cinema, Television and Radio Artists) dhe WGC (Writer’s Guild of Canada).

Në vitin 2015 realizon filmin e tij të suksesshëm “Quo Vadis?”, pjesëmarrës në konkurimin zyrtar një 12 festivale ndërkombëtare (US & Canada), fitues i 3 çmimeve ndërkombëtare.

Në 2018-tën kthehet në Tiranë dhe angazhohet si pedagog i Mjeshtërisë së Regjisurës në Akademinë e Filmit dhe Multimedias MARUBI.

Në 17 prill 2019 emërohet Kryetar i Qendrës Kombëtare të Kinematografisë.

Krijimtarinë artistike të z. Eduart Makri e gjeni këtu: Eduart Makri – Krijimtaria Artistike

«Projekti CIRCE», Hapet thirrja: 9 episode për web

Thirrje ndërkombëtare për prodhimin ekzekutiv të 9 episodeve 10-minutëshe për web, si pjesë e një seriali antropologjik me temën «Journey».
Çdo episod financohet me 20 000 euro.

Ftohen të gjithë producentët e interesuar, të regjistruar pranë QKK-së, të aplikojnë në bashkëpunim me një regjisor nën 35 vjeç.

Kjo iniciativë realizohet në kuadër të Programit INTERREG IPA CBC Itali-Shqipëri-Mal i Zi dhe financohet nga Fondacioni Apulia Film Commission.

Thirrjen e plotë dhe dokumentat e aplikimit i gjeni në:
https://www.italy-albania-montenegro.eu/circe-international-call-for-the-executive-production-of-9-episodes-of-a-web-series

Për thirrjen e përkthyer në shqip klikoni këtu.

Për informacione të mëtejshme na kontaktoni: info@nationalfilmcenter.gov.al

Filmi shqiptar «Internimi» në Arizona International Film Festival

Filmi «Internimi» i regjisorit Kast Hasa, merr pjesë në Arizona International Film Festival. Kjo është edhe premiera botërore e këtij filmi, i cili është financuar nga Qendra Kombëtare e Kinematografisë në kategorinë e filmit artistik, metrazh i gjatë, vepër e parë.


Filmi tregon ngjarje tw vitit 1983, nga Shqipëria gjatë sundimit komunist. Familja Kulla lufton ndërsa janë detyruar nga agjentët qeveritarë të internohen. Për Arturin, djali i familjes, gjërat bëhen më të ndërlikuara, pasi lagjet e reja të improvizuara të familjes janë afër afërt të dashurisë së tij, Frida, e cila detyrohet të angazhohet me një operacion të rangut të lartë. Familja vazhdon të nënshtrohet më tej në rrethana të egra dhe të pashpjegueshme, siç zbulohet më vonë mik i sapo riatdhesuar, në një përpjekje për të ndihmuar familjen, i komplikon gjërat më tej.

Deklarata e Regjisorit
Duke u rritur në Shqipërinë komuniste, nuk isha krejtësisht në dijeni të frikës dhe shtypjes që qeveria po shkaktoi në jetën e popullit të saj, jo vetëm për shkak të propagandës komuniste, por kryesisht për shkak se prindërit e mi kurrë nuk folën për të, duke pasur frikë se do të merrja fjalën jashtë. Vetëm 10 km nga qyteti im ishin këto fshatra, njerëzit e të cilëve qeveria kishte detyruar internimin vetëm për shkak të diçkaje që kishin thënë. Internimi është një përpjekje për të hedhur dritë në mizoritë dhe absurditetet e kësaj kohe të veçantë.

Kategori Dramë.
Temat Historiku, Të Drejtat e Njeriut, Kinema Botërore

Dy çmime nga Barcelona për «Holy Boom»

Dy çmime nga Barcelona.

Suksesi i rradhës për HOLY BOOM të Maria Lafit, bashkëprodhim kinematografik greko-shqiptar, financuar nga Qendra Kombëtare e Kinematografisë!

HOLY BOOM i Maria Lafi – deshmi e politikes se drejte strategjike per pjesmarrjen ne minority te Qendres Kombetare te Kinematografise te projekteve te huaja me bashkeprodhues shqiptare .

Open Labs & WCUGA nënshkruajnë Memorandumin e Bashkëpunimit me QKK

Të dashur miq kineastë,

Kemi kënaqësinë t’ju ftojmë sot, më datë 15 Shkurt 2019, në orën 14:00, në bibliotekën e Ministrisë së Kulturës, ku do të zhvillohet nënshkrimi i marrëveshjes midis Qendrës Kombëtare të Kinematografisë dhe Open Labs, e cila, i jep jetë transferimit në Wikipedia, për herë të parë, në mënyrë të organizuar dhe të plotë informacionit rreth kinematografisë shqiptare.

Do ta vlerësonim shumë prezencën tuaj në ceremoninë që organizohet me këtë rast:
14:00 Prezantim i iniciativës nga përfaqësuesit që do e firmosin marrëveshjën për QKK dhe Open Labs
14:30 Firmosje e marrëveshjes;
14:30 Bashkëbisedim i lirë me pjesëmarrësit dhe mini cocktail.

Ju mirëpresim!


Open Labs & WCUGA nënshkruajnë Memorandumin e Bashkëpunimit me Qendrën Kombëtare të Kinematografisë

Komuniteti i Open Labs Hackerspace, anëtarët e Wikimedia Community Usergroup Albania (WCUGA) dhe Qendra Kombëtare e Kinematografisë nënshkruajnë Memorandumin e Bashkëpunimit i cili do të mundësojë kushtet për bashkëpunimin ndërmjet partnerëve në mënyrë që të publikohen materiale multimediale dhe informacione të lidhura me industrinë e filmit shqiptar në një format të hapur në platforma si Wikipedia, Wikidata, Wiki Commons dhe platforma të tjera të një natyre të ngjashme duke fuqizuar në këtë mënyrë domeinin publik.

Ky memorandum do të ndihmojë në realizimin e objektivave të përbashkëta të partnerëve ku objektivi madhor mbetet përmirësimi dhe pasurimi i informacionit online mbi kinematografinë shqiptare, informacion i cili në këtë form do të jetë i hapur për publikun e gjerë. Për ta arritur këtë, Qendra Kombëtare e Kinematografisë do të japë informacionet dhe materialet e nevojshme për Open Labs dhe WCUGA. Pas marrjes së materialit, partnerët do të kontrollojnë integritetin e të dhënave për të vijuar më tej punën me publikimin në internet të tyre në platforma që respektojnë domenin publik dhe te përbashkëtën digjitale (digital commons) duke përdorur një licencë të hapur.

Projekti do të konsistoj gjithashtu në një seri edithathonesh të dedikuara të cilat do të organizohen nga anëtarët e WCUGA dhe do të mbahen në ambientet e Open Labs Hackerspace. Nëpërmjet aktiviteteve të ”WikiFilmat-SQ-edithathons”, përveç shtimit apo përmirësimit të informacionit rreth industrisë së filmit në Shqipëri, do të synohet gjithashtu edhe rritja e aftësime së editorëve ekzistues mbi platformat e Wikipedia, Wiki Commons dhe Wikidata. Editorët e rinj do të jenë të mirëpritur gjithashtu, të cilët do të kenë edhe mbështetjen e anëtarëve të Usergrupit për të hedhur hapat e tyre të parë me projektin e Wikimedia.

Ndërkohë që jemi shumë të lumtur të fillojmë punën me këtë projekt, ju ftojmë të bashkoheni në iniciativën tonë. Data e planifikuara të aktiviteteve do mund ti gjeni këtu në vijim: https://sq.wikipedia.org/wiki/Wikipedia:WikiFilmat_SQ


Rreth Open Labs

Open Labs është komuniteti dhe hackerspace që ndodhet në Tiranë, Shqipëri, që promovon softuer të lirë me kod të hapur, të dhëna të hapura dhe iniciativa për lirinë e internetit kryesisht për popullatën shqiptare. OpenStreetMap dhe Wikipedia janë disa nga komunitetet që përdorin infrastrukturën e Open Labs në internet dhe offline (në Tiranë) për të mirën e komunitetit dhe publikut të gjerë dhe të komuniteteve.


Rreth WCUGA

Wikimedia Community User Group Albania (WCUGA) është një grup i përdoruesve të projekteve Wikimedia në Shqipëri, të cilët organizojnë aktivitete dhe projekte të ndryshme në nivel kombëtar duke përfshirë iniciativa si Wiki në Arsim (Wiki in Education) dhe GLAM (Galleri, Librari, Arkivat dhe Muzetë). UCUGA ka si qëllim edhe përfaqësimin e komunitetit shqiptar të projekteve te Wikimedias si dhe pjesëmarrjen në projektet e Fondacionit Wikimedia.


Ne kuader te aktivitetit kemi filluar prej disa ditesh promovimin ne rrjetet sociale dhe me specifikisht:

Open Labs blog https://openlabs.cc/open-labs-wcuga-nenshkruajne-memorandu…/
Facebook https://www.facebook.com/events/565623453956283/
Twitter https://twitter.com/WikimediaugA…/status/1095782263743279109

Në qoftë se dëshironi të përdorni dhe ju materialet promocionale në rrjetet sociale mund t’i gjeni këtu:
https://cloud.openlabs.cc/s/cEeA4RGFAMGZPHS