EAVE ON DEMAND – Workshop – Zhvillim skenari për filma të shkurtër dokumentarë dhe filma të shkurtër



QKK dhe EAVE në bashkëpunim me Tirana International Film Festival organizojnë:


EAVE ON DEMAND – SHQIPËRI 2014

me z. Katriel Shory


Workshop – Zhvillim skenari për filma të shkurtër dokumentarë dhe filma të shkurtër artistikë

2-3-4 nëntor 2014 Tiranë

Qendra Kombëtare e Kinematografisë, në kuadër të rëndësisë që i jep edukimit të kineastëve të rinj, ka kënaqësinë të njoftojë Workshop-in e organizuar nga QKK, në bashkëpunim me Tirana International Film Fest me expertin e EAVE z. Katriel Shory, në datat 2-3-4 nëntor 2014.

Ky workshop 3 ditor do të ketë fokus zhvillimin e skenarit të filmit të shkurtër dokumentar dhe artistik. Të gjithë të interesuarit janë të ftuar të aplikojnë!

12 skenarët që do të përzgjidhen do të jenë tema e diskutimit të Z. Katriel Shory, i cili gjatë 3 ditëve të workshop-it do t’u bëjë një analizë të detajuar skenarëve dhe do të konsultojë autorët e rinj për fazat në vazhdim të projektit.

QKK inkurajon projektet që kanë aplikuar për Fondin Indipendent të aplikojnë për workshopin e EAVE, duke i shtuar kështu projektit të tyre një element pozitiv për konsiderim nga KMP.

Në fund të Workshop-it 12 pjesëmarrësit do të pajisen me një Çertifikatë.

Projektet duhet të paraqiten në anglisht!

Faza I – Aplikimi i projekteve – deri 18 tetor

Faza II – Përzgjedhja e 12 projekteve nga Komisioni – deri 20 tetor

Faza III – Workshop – 2-3-4 nëntor

Komisioni përzgjedhës përbëhet nga:
Genc Përmeti, Andamion Murataj, Thomas Logoreci

Çfarë është EAVE?

EAVE është organizata më e rëndësishme në Evopë për trajnimin, zhvillimin dhe organizimin e rrjeteve të producentëve. Përveç programit të saj kryesor “European Producers Workshop”, EAVE është e angazhuar në programe të ndryshme në Europë, Azi, Amerikën Latine, Rusi, Afrikë dhe Lindjen e Mesme.

Krijuar më 1988, objektivat e EAVE janë mundësimi i trajnimeve profesionale dhe lidhja e producentëve nga vende të ndryshme të botës, me qëllim lehtësimin e marrëdhënieve të bashkepunimit. Rrjeti unik ndërkombëtar i EAVE-s përfshin mbi 1200 producentë dhe figura kyçe të vendimmarrjes në sektorin e filmit (financues, agjent shitjesh, distributorë, etj.).

EAVE drejtohet nga Kristina Trapp CEO dhe Jani Thiltges – Përgjegjës i Studimeve, të dy me përvojë të gjatë dhe njohuri shumë të mira në trajnim si dhe në sektorin e filmave Europian. Kristina Trapp ka eksperiencë prej më shumë se 13 vjetësh në mundësitë e financimit të filmave, prodhimin dhe trajnimin në disa vende të Evropës. Jani Thiltges ka realizuar rreth 70 filma në cilësinë e producentit dhe bashkëproducentit.

Katriel Shory – Expert i EAVE

Studioi në Shkollën e Filmit të Universitetit të New York-ut. Ai u kthye në Izrael në vitin 1973 për t’iu bashkuar Kastel Films, Jerusalem (në atë kohë kompania lider e prodhimit në Izrael) si drejtor i produksionit. Ai ishte përgjegjës për prodhimin e një numri të madh dokumentarësh , serialesh televizive dramatike dhe bashkëprodhimesh, të cilat kanë marrë çmime prestigjioze izraelite dhe ndërkombëtare.

Në vitin 1983, ai punoi si bashkëpunëtor dhe line producer në filmin artistik “Beyond the Wall” (i cili fitoi Çmimin e Kritikëve të Filmit në Festivalin e Filmit të Venecias 1984 dhe u nominua për çmimin e filmit më të mirë të huaj, për Oscar në 1985). Në vitin 1984, ai formoi kompaninë e tij të prodhimit “Belfilms Ltd” dhe deri në vitin 1999 ka prodhuar mbi 200 filma duke përfshirë filma artistikë, dokumentarë, drama televizive, dhe bashkëprodhime ndërkombëtare të cilët numërojnë shumë çmime.

Në vitin 1999, ai u emërua Drejtorit Ekzekutiv në Fondin Izraelit të Filmit. Që nga viti 1999, ai mbështeti prodhimin e më shumë se 190 filmave të rinj izraelitë, me metrazh të gjatë.

Gjatë gjithë karrierës së tij ka qenë i angazhuar në aktivitete vullnetare dhe funksione publike ndër të cilat përmendim: Kryetar i Shoqatës Izraelite të Producentëve të Filmit dhe Televizionit (1989–1994); anëtar i emëruar i Komitetit Kombëtar për zhvillimin e Televizionit dhe Filmit— në Këshillin Kombëtartë Artit dhe Kulturës (1992–1998); Përfaqësues i Industrisë izraelite të Filmit në organizata të shumta ndërkombëtare; pedagog në Departamentin e Filmit dhe Televizionit – Universiteti i Tel-Avivit.

http://www.nationalfilmcenter.gov.al/eave-on-demand-shqiperi-2014/

Not just one, but TWO awards for BOTA at RIFF

FILIMI “BOTA” FITON NE KARLOVY- VARY FILM FESTIVAL!!!  

URIMET ME TE MIRA PER AUTORET, AKTORET, PRODUKSIONIN DHE GJITHE STAFIN E FILMIT!


FEDEORA AWARD For the best film from East of the West – Competition
Bota / Bota Directed by: Iris Elezi, Thomas Logoreci Albania, Italy, Kosovo, 2014
The jury found Bota a remarkable film with a rich script, three-dimensional characters, exquisite photography of current day Albania and beautiful nostalgic music soundtrack of past heritage.

Katriel Shory kineastëve të rinj: Skenari duhet t’i flasë një publiku të gjerë

Katriel Shory kineastëve të rinj: Skenari, historia ne film duhet t’i flasë një publiku të gjerë


4/Tetor/2014 Si të zhvillosh një skenar të filmit të shkurtër dokumentar apo artistik? Çfarë fazash kalon prodhimi dhe zhvillimi i një filmi? A duhet të përfshihen në skenar elementet që bëjnë të kuptueshme historinë e vendit për të cilin shkruan? Me çfarë gjuhe duhet ti flasësh një publiku të gjerë? Si duhet të përzgjidhen producentët, regjizori, e sa të rëndësishme janë audicionet në këtë proces?
Qendra Kombëtare e Kinematografisë në bashkëpunim me Tirana International Film Fest ka sjell në Tiranë  z. Katriel Shory, lider i një prej organizatave më të rëndësishme në Europë për trajtimin, zhvillimin dhe organizimin e rrjeteve të producentëve “EAVE” . z.Shory foli sot para kineastëve të rinj shqiptarë, në lidhje me fazat e prodhimit dhe zhvillimit artistik të një filmi.  EAVE është e njohur në botë , për prodhimin e një numri të madh dokumentarësh, serialesh televizive dramatike dhe bashkëprodhimesh, të cilat kanë marrë çmime prestigjioze izraelite dhe ndërkombëtare.
Intervistë me Katriel Shory
“Ne vijmë nga vende të vogla, dhe filmat tanë kanë pothuajse gjithmonë një histori nga “oborri” i tyre. Por ajo që duhet të keni gjithmonë kujdes kur shkruani një histori, është të përfshini në të elemente shpjegues për ta bërë të kuptueshme historinë për një njeri që vendin tuaj e njeh vetëm nga emri. Historia duhet t’i flasë një publiku të gjerë.”
Të bësh një film do të thotë të përplasesh me shumë mendime e njerëz të ndryshëm. A duhet ti qëndrojmë besnik atij momenti kur është ngjizur ideja fillestare?
“Absolutisht që po. Duhet të mbajmë gjithmonë në mend momentin e parë, gjatë të cilit vendosim të angazhohemi me një projekt të caktuar. Gjithmonë duhet ta kujtojmë këtë moment të parë, i cili është kyç jo vetëm për prezantimin që i bëjmë projektit për të gjetur financues, por edhe për ta mbajtur si pikë kryesore referimi, kur projekti arrin në faza të mëvonshme dhe në të janë përfshirë dhe ndikojnë njerëz të ndryshëm, të cilët jo gjithmonë i shikojnë gjërat njësoj”.
Ndodh shpesh që filmat e suksesshëm të jenë ekranizim i letërsisë. Shembuj ka pafund, po çfarë duhet të ketë një ide fillestare që të shndërrohet në një film të suksesshëm?
“Ajo që ne bëjmë është mbështetja tek letersia e suksesshme e vendeve tona. Është mirë të kemi ide interesante, por përshtatja e letërsisë për kinemanë është një formë e mrekullueshme e artit. Ne vijmë nga vende të vogla, dhe filmat tanë kanë pothuajse gjithmonë një histori nga “oborri” i tyre. Por ajo që duhet të keni gjithmonë kujdes kur shkruani një histori, është të përfshini në të elemente dhe shpjegime të duhura për të bërë të kuptueshme historinë për një njeri që vendin tuaj e njeh vetëm nga emri. Historia duhet t’i flasë një publiku të gjerë.”
Çfarë e bën një kineast të mirë?
“Ajo që e bën një kineast të mirë, është krijimi i një balance midis pasionit krijues dhe logjikës së produksionit. Jeni me fat nëse gjeni një producent që në fillimet e projektit. Nëse nuk e keni këtë mundësi, atëherë duhet të dini të zgjidhni llojin e producentit me të cilin mund të bashkëpunoni”.
Sa i rëndësishëm është producenti për një film dhe a ndihmon “alkimia” mes skenaristit dhe regjizorit  tek suksesi i filmit?
“Producentët zakonisht bëjnë rekomandimet e veta para se vendosin të investojnë për një film. Ndërkohë që ndërmerret dialogu midis ekipit të përfshirë në projekt, ka raste që producentët ose regjizorët të zihen para nesh për lloj lloj mosmarrveshjesh. Madje, ndonjëherë ata tërhiqen nga projekti sepse filmi që ne po propozojmë ngjason shumë me filma të bëra bajat. Në momentin që merret vendimi që fondi jonë të financojë një film në bashkëpunim me producentë të tjerë, nis një periudhë shumë mujorëshe (18 muaj për shembull) ku organizohet projekti. Por, në disa raste, kur ka një mosmarrëveshje midis producentit dhe regjizorit, paratë e investuara kthehen direkt tek fondi ynë. Për këto arsye e shumë të tjera, është e domosdoshme që ti si skenarist ta kesh të qartë në kokën tënde çfarë drejtimi do të marrë filmi yt, dhe atë ide t’ja kesh transmetuar producentit dhe regjizorit sa më saktësisht. Pra, nëse kimia midis skenaristit dhe producentit/regjizorit mungon, projekti është pothuajse i kapitulluar”.
E si mund të shmangen “konfliktet” e ngjashme?
Ky është konflikt i përhershëm dhe i zakonshëm në botën e filmit. Fatmirësisht, ka lloj lloj mënyrash për ti shmangur këto soj problemesh. Në disa raste, kemi aplikantë dhe kandidatë që dëshirojnë të marrin financim nga ne, por nëse ne nuk na pëlqen ideja, nuk e marrim përsipër. Por, nëse e pëlqejmë, para se të arrijmë te faza finale, duhet të biem dakort për një producent ose regjizor. Për shembull, para disa vitesh, ne financuam filmin e një shkrimtareje që e kishte kthyer librin e vet në skenar. Në mungesë të një producenti, ajo doli në kerkime individuale.
Dërgoi skenarin e saj tek më shume se 10 producentë. Pas disa javësh, dolën disa variante. Pasi zgjodhën edhe një regjizor, filmi u finalizua edhe pati goxha sukses. Pra, në këtë rast, suksesi i filmit ishte i varur nga kimia midis regjizorit, producentit, edhe skenaristit”.
Shpesh regjizori është dhe producent i një filmi. Sigurisht ka sukses, por a humb filmi individualitetin?
“Në kuadër të filmave me buxhet të madh, unë nuk jam dakord që producenti edhe regjizori të jetë i njëjti person. Kjo sepse përbën një rrezik më të konsiderueshëm kur vjen puna te suksesi komercial i filmit. Kur është rreziku më i madh, paraja është më e rrallë dhe më e pakët. Pra, nuk është ideale për ne që të mos ketë një producent dhe një regjizor të ndryshëm, secili në individualitetin e vet, por në mirekuptim të plotë dhe me rrugët drejt dialogut krejt të hapur midis njërit- tjetrit”.
https://www.ata.gov.al/katriel-shory-kineasteve-te-rinj-historia-duhet-ti-flase-nje-publiku-te-gjere/