Filmi BOTA – Premierë botërore në Karlovy Vary International Film Fest / Deklaratë për shtyp


Erafilm dhe QKK ju ftojnë:

Ditën e hënë, datë 16 qershor, ora 12:00 në ambientet e Qendrës Kombëtare Kinematografike Shqiptare do të realizohet konferenca e parë për shtyp e filmit BOTA, me regji dhe skenar të Iris Elezi dhe Thomas Logoreci. I pari film që bashkon dy Qendrat Kombëtare Kinematografike Shqipëri dhe Kosovë!

Konferenca i paraprin premierës botërore, që do të mbahet gjatë festivalit prestigjoz të Karlovy Vary-t që zhvillohet në Çeki, në datat 4 – 12 Korrik, 2014, ku BOTA prezantohet në garën “East of the West”.

BOTA është filmi i parë i bashkëfinancuar nga QKK Shqipëri, QKK Kosovë, – një sukses i pritur dhe i besuar, – Eurimages dhe MIBAC Itali, prodhim i kompanisë ERAFILM, me producente Sabina Kodrën.

Përveç prezantimit të filmit BOTA në Festivalin Karlovy Vary arritje e madhe në në këtë pjesëmarrje është fakti se Shqipërisë dhe Kosova për herë të parë do të kenë një stendë të përbashkët për të promovuar kinematografinë e dy vendeve tona.

Artistët pjesmarrës në film janë: Flonja Kodheli, Artur Gorishti, Fioralba Kryemadhi, e madhja Tinka Kurti, Guljelm Radoja, dhe Alban Ukaj në role. Ramiro Civita drejtor fotografie, Walter Fasano montazhier, Shpëtim Baca skenograf, Emir Turkeshi kostumografe.

KVIFF është festival i kategorisë A dhe sigurisht prezantimi i filmit në vendin e mbërritjese së yjeve të kinemasë, regjisorëve dhe producentëve nga e gjithë bota. Festivali i KVIFF është një nga 9 festivalet më prestigjoze në botë i renditur kategoria A. Ky festival gëzon një vëmendje të madhe mediatike nga revistat më të rëndësishme në botë si Variety, The Hollywood Reporter, Screen Daily, si dhe Indieëire.

Në konferencën për shtyp do të jenë të pranishëm:

Ilir Butka (Drejtor i QKK-Shqipëri)

Arben Zharku (Drejtor I QKK Kosovë)

Iris Elezi (Skenariste & Regjisore e BOTA)

Tinka Kurti (Aktore)

Flonja Kodheli (Aktore)

Fioralba Kryemadhi (Aktore)

Sabina Kodra (Producente e BOTA)

Për çdo pyetje dhe informacion të mëtejshëm:

Nr tel: 068 20 69 959

P.S. Në attach dy fjalë nga skenaristja dhe regjisorja Iris Elezi.

BOTA: Deklaratë për shtyp.

Ju komunikojmë me kënaqësinë më të madhe përzgjedhjen e filmit BOTA,
në kompeticionin East of the West të festivalit prestigjoz të Karlovy Varit që ndodh në Çeki, në datat 4 – 12 Korrik, 2014.

BOTA është një prodhim Shqiptar-Italian me pjesëmarrjen në bashkëprodhim të Kosovës, i kompanisë ERAFILM, me producente Sabina Kodrën dhe skenar & regji të Iris Elezit dhe Thomas Logorecit.

Dëshirojmë të falenderojmë përzemërsisht mbështetjen institucionale, shpirtërore dhe profesionale të të dyjave Qëndrave të Kinematografisë Kombëtare, të Shqipërisë dhe të Kosovës.

Besimi i treguar nga bordet përkatëse dhe këshillat e vazhdueshme të drejtuesëve paraardhës, Z. Artan Minarolli dhe Z. Fatos Berisha, mundësuan prodhimin e një filmi të arrirë, që plot dashuri pasqyron qartë e pastër jetën bashkohore shqiptare.

Ekipi i filmit BOTA është i lumtur që zgjodhëm këtë festival të mirënjohur për premierën tonë botërore, pasi besojmë në reputacionin dhe vëmendjen mediatike që ky festival i kategorisë A, ka në shkallë ndërkombëtare.

Dhe vërtetë, lajmi i mirë për BOTEN u përmend menjëherë nga tre mediat kryesore kinematografike: The Hollywood Reporter, Screen Daily, si dhe indiewire.

Festivali i Karlovy Vary-it e përshkruan kështu filmin: “BOTA është kafeneja në një cep të përhumbur të një moçalishteje, në një vend të izoluar të Shqipërisë. Atje kryqëzohen jetët e protagonistëve në këtë deputim imponues e bindës të Iris Elezit dhe Thomas Logorecit.

Duke përdorur me mjeshtëri lokacionin gjenial të këtij peizazhi të shkretë, e të ndihmuar nga tingujt e vjetër të Tangos Shqiptare dhe të planeve të gjata e magjiplotë, regjisorët sjellin në një formë të përkryer atmosferën e një vendi ku e kaluara ende peshon mbi jetën e njerëzve.”1

Ne, Iris Elezi, Sabina Kodra dhe Thomas Logoreci, jemi të ndërgjegjëshëm që filmi BOTA arriti në këtë fazë të re vlerësimi falë mbështetjes dhe mirëbesimit që projekti jonë gjeti nga institucione të rëndësishme, si:

1*Bota (Albanian for “the world”) is a cafe situated on the edge of a vast area of marshland in a remote part of Albania, and it is here that the lives of the protagonists intersect in this compelling debut by Iris Elezi and Thomas Logoreci. The directors skilfully exploit the genius loci of the desolate landscape and, aided by a period score and beguiling long shots, they flawlessly evoke the atmosphere of a place where the past still encroaches upon people’s lives. * http://www.kviff.com/en/news/2572- hungarian-film-afterlife-will-open-the-east-of-the-west-competition/

BOTA: Deklaratë për shtyp.


Filmi BOTA – Premierë botërore në Karlovy Vary International Film Fest, në Çeki, një nga 12 festivalet kryesore ndërkombëtare të Kategorisë A.

Qëndra Kombëtare e Kinematografisë së Shqipërisë dhe MiBACT – Ministria e Kulturës Italiane, Qëndra Kinematografike e Kosovës dhe Eurimages, Hubert Bals i Rotterdam dhe GFI *Global film Initative e San Francisos; nga Goteborg Film Fund dhe Binger Director’s Lab; nga Cinelink e Sarajevos te Talent Campus i festivalit të Berlinit; nga Apuglia Film Commission, Rai Cinema, si dhe nga mbështetja e RTSH, Dokufest-it dhe PriFest-it.

Gëzimi që përjetojmë sot vjen falë punës kolosale të kompanive ERAFILM e PMI, I’s Continuum & Flex Video; producentëve Sabina Kodra, Andrea Stucovitz e Burim Berisha; lojës profesionale të aktorëve Flonja Kodheli, Artur Gorishti, Fioralba Kryemadhi e të madhes Tinka Kurti, Guljelm Rados e Alban Ukajt.

Me një përkushtim dhe përgjegjësi të lartë të gjithë artistët dhe teknicienët shqiptarë, italianë, kosovarë e serb, ndihmuan që BOTA të bëhet historia e suksesit që të gjithë dëshirojmë e presim.

Le të festojmë bashkarisht vlerat e këtij film artistik. Jemi të sigurt që vëmendja dhe mbështetja juaj kulturore dhe informative, do të luaj një rol vendimtar për rrugën e shëndoshë dhe të sukseshme të BOTES si brenda, ashtu edhe jashtë vendit.

Eshtë sfida jonë si kineastë të rinj të kthejmë në kinematë tona shikuesin shqiptar!

Unë dhe Thomas Logoreci jemi gjithashtu bashkëthemeluesit e ACP – Projektit të Kinemasë Shqiptare, inisiativa e përkushtuar promovimit të kinemasë shqiptare dhe ndihmës për Arkivin Qëndror Shtetëror të Filmit (AQSHF).

Arritëm të biem dakort me drejtorin e festivalit të KVIFF, Z. Karel Och, që duke njohur mirë përpjekjet tona, dhe duke vlerësuar rëndësinë e pjesëmarrjes të një filmi shqiptar në këtë platform, na ka afruar neve:
Si ekip, kombe, QKK-të, si dhe festivalet që ndodhin në trevat tona, mundësinë e ekspozimit të broshurave dhe materialeve informative si për ACP, ashtu edhe për gjithë projektet e ardhshme filmike shqiptare, festivalet, etj., gjatë gjithë festivalit.

“BOTA është jona.” Me respekt,
Iris Elezi
Thomas Logoreci Sabina Kodra.

Karlovy Vary Film Festival Lineup Includes ‘Low Down’ With Elle Fanning
http://www.hollywoodreporter.com/news /karlovy-vary-film-festival-lineup-708845

Karlovy Vary unveils competition line- up
http://m.screendaily.com/5072688.article

30% of Films at Karlovy Vary Festival Directed by Women
http://blogs.indiewire.com/womenandholly wood/one-third-of-films-at-karlovy-vary- festival-directed-by-women

Share this...
Share on FacebookShare on Google+Tweet about this on TwitterShare on LinkedIn